ISO 45001:2018 – Sistemet e menaxhimit të sigurisë dhe shëndetit në punë
ISO 45001:2018, si pasardhësi i standardit OHSAS 18001:2007, ky është standardi që zbatohet në plan ndërkombëtar nga ato organizata që duan të menaxhojnë rreziqet lidhur me sigurinë dhe shëndetin e punonjësve të vet, dhe shumë shpesh edhe të të gjithë nënkontraktorëve dhe partnerëve, përmes një sistemi për menaxhimin e sigurisë dhe shëndetit në punë.
Qëllimi dhe rezultatet e parashikuara të sistemit të menaxhimit të sigurisë dhe shëndetit në punë janë parandalimi i lëndimeve në punë dhe i problemeve shëndetësore të punëtorëve, si edhe sigurimi i vendeve të sigurta dhe të shëndetshme të punës. Për këtë arsye, është thelbësore për një organizatë të kontrollojë rreziqet, ndaj të cilave punonjësit e saj mund të ekspozohen dhe të minimizojë rreziqet e lëndimit në punë, duke marrë masa efektive të sigurisë.
Marrja e një certifikate të konformitetit me kërkesat e zbatueshme të standardit ISO 45001:2018 ofron një numër përparësish, ndër të cilat do të përmendim:
- Rritja e besimit të klientëve, komunitetit, punonjësve dhe organeve ndërkombëtare që merren me çështje të sigurisë dhe shëndetit në punë.
- Mundësia e qasjes në tenderë dhe konkurse, në të cilat kërkohet një sistem i certifikuar i menaxhimit të sigurisë dhe shëndetit në punë.
- Certifikata tregon përpjekjet e bëra nga organizata për të siguruar transparencë dhe efikasitet në menaxhimin e sigurisë dhe shëndetit në punë, duke ndërmarrë vlerësime të rrezikut dhe masa për trajtimin e tij, auditime të brendshme dhe mekanizma të tjerë që sigurojnë vazhdimësinë e qëndrueshmërisë së qëllimeve të organizatës.
- Certifikata tregon përpjekjet e organizatës për të identifikuar vazhdimisht rreziqet që mund të vijnë nga nënkontraktimi ose nga marrëdhëniet me furnizuesit dhe klientët dhe për të përcaktuar masat e nevojshme për t’i mbrojtur, dmth. për të implementuar planet e veprimit me qëllim për të minimizuar rrezikun e aksidenteve, gjë që çon në uljen e kostove të punës dhe në rritjen e efikasitetit si pasojë e zvogëlimit në numrin e ditëve të sëmundjes si edhe të aksidenteve dhe sëmundjeve të punonjësve.
- Kjo mundëson një bazë të fortë për ndërtimin e besimit me autoritetet lidhur zbatimin e kërkesave të ligjeve dhe rregulloreve të zbatueshme (ashtu siç kërkohet në mënyrë të qartë në ISO 45001:2018).
- Komunikimi i qartë i organizatës me publikun lidhur me faktin se ajo është e përkushtuar për sigurinë dhe shëndetin në proceset e veta të punës dhe bën përpjekje për të minimizuar çdo ngjarje të pafavorshme dhe efektet e saj.
- Certifikata ndërkombëtarisht e njohur përmirëson markën, reputacionin dhe imazhin e organizatës.
- Angazhimi i qartë për menaxhimin e sigurisë dhe shëndetit në punë ofron një avantazh ndaj konkurruesve që nuk kujdesen për këto çështje, duke marrë parasysh se kjo është një gjë që përdoruesit e shërbimeve dhe produkteve të organizatës, si edhe partnerët e saj, mund ta identifikojnë lehtësisht.
- Krijimi i zgjidhjeve për të parandaluar incidentet e mundshme që mund të çojnë në sanksionimin e organizatës dhe reagimi i efektshëm dhe në kohë të duhur në rast se ato ndodhin.
- Ndërtimi i besimit lidhur me zbatimin dhe respektimin e ligjeve dhe rregulloreve në fuqi në fushën e sigurisë dhe shëndetit në punë.
- Fuqia e shtuar e eksportit në tregjet që kërkojnë një certifikatë ndërkombëtarisht të njohur.
Ne jemi në dispozicionin tuaj
